Den Nohaltegkeetsministère zesumme mat der Waasserverwaltung soe villmools Merci fir Ären Interessi um Entworf vum 3. Waasserbewirtschaftungsplang.
D’Diskussiounsronn vun dësem Mëttwoch, de 07.07.2021 um 18:00 Auer, dréint ëm d’Thema:
Liewe vum Waasser
Genuch Waasser fir jiddereen: Léisungsusätz fir een nohaltege Waasserverbrauch
Wéi kréie mir d’Moossnamen aus dem Entworf vum 3. Waasserbewirtschaftungsplang am beschten ëmgesat?
Et huelen deel :
- Jean-Paul Lickes, Direkter vun der Waasserverwaltung;
- Georges Kraus, President vun der Associatioun Aluseau an Direkter vum Syndikat SEBES;
- Jean-Claude Muller, Vertrieder vum Lëtzebuerger Landesuebstbauveräin mat eegenem Uebst Betrib;
- Nico Pundel, Vertrieder vum Mouvement Ecologique;
- Gaston Trauffler, Vertrieder vun der “Fédération des Industriels Luxembourgeois” (FEDIL).
D’Diskussiounsronn gëtt geleet vum Här Jürgen Stoldt. Dir kënnt all Är Froen, Ureegungen an Iwwerleeungen zum Entworf vum 3. Waasserbewirtschaftungsplang aktiv iwwert d’Chatfunktioun mat abréngen. Mir freeën eis op ee flotten Echange.
